લેનોવો પી2 ભારતમાં લોન્ચ, 5100mAh બેટરી અને 16,999 રૂપિયા કિંમત

લેનોવો પી2 સ્માર્ટફોન ભારતમાં લોન્ચ થઇ ચુક્યો છે. આ સ્માર્ટફોનની કિંમત 16,999 રૂપિયા રાખવામાં આવી છે અને તે ખાસ કરીને ફ્લિપકાર્ટ પર રાખવામાં આવી છે. લેનોવો પી2 સ્માર્ટફોન ભારતમાં બે વેરિયંટમાં લોન્ચ કરવામાં આવ્યા છે.

3 જીબી રેમ ધરાવતા સ્માર્ટફોનની કિંમત 16,999 રૂપિયા રાખવામાં આવી છે, જયારે 4 જીબી રેમ ધરાવતા વેરિયંટ સ્માર્ટફોનની કિંમત 17,999 રૂપિયા રાખવામાં આવી છે. આ સ્માર્ટફોનની સૌથી ખાસ વાત તેમાં વાપરવામાં આવેલી બેટરી છે. આ સ્માર્ટફોનમાં 5100mAh બેટરી ઉપયોગ કરવામાં આવી છે.

એચટીસી યુ અલ્ટ્રા અને યુ પ્લે, ફોટો અને સ્પેસ લોન્ચ પહેલા જ લીક

લેનોવો પી2 સ્માર્ટફોનમાં આપવામાં આવેલા ફીચરની વાત કરવામાં આવે તો તેમાં 5.5 ઇંચ એફએચડી 1080 પિક્સલ સુપર અમોલેડ ડિસ્પ્લે વાપરવામાં આવી છે. આ સ્માર્ટફોનમાં 2GHz ઓક્ટાકોર સ્નેપડ્રેગન 625 પ્રોસેસર ઉપયોગમાં લેવામાં આવ્યું છે.

આ સ્માર્ટફોન 3 જીબી રેમ અને 4 જીબી રેમ ધરાવતા બે વેરિયંટમાં લોન્ચ કરવામાં આવ્યો છે. બંને મોડેલમાં 32 જીબી ઇન્ટરનલ મેમરી આપવામાં આવી છે. જેને તમે એસડી કાર્ડ ઘ્વારા 128 જીબી સુધી વધારી શકો છો.

આ શાનદાર સ્માર્ટફોનમાં ફિંગરપ્રિન્ટ સેન્સર પણ આપવામાં આવ્યું છે. જે તેના ફ્રન્ટમાં આપવામાં આવ્યું છે. લેનોવો પી2 સ્માર્ટફોન એન્ડ્રોઇડ 6.0 માર્શમેલો ઓપરેટિંગ સિસ્ટમ પર કામ કરે છે. આ સ્માર્ટફોનમાં 13 મેગાપિક્સલ રિયર કેમેરો અને 5 મેગાપિક્સલ સેલ્ફી શૂટર કેમેરો આપવામાં આવ્યો છે.

લેનોવો પી2 સ્માર્ટફોનમાં કનેક્ટિવિટી માટે 4જી LTE સપોર્ટ આપવામાં આવ્યો છે. આ સ્માર્ટફોનમાં ડ્યુઅલ સિમ સપોર્ટ, બ્લ્યુટૂથ અને વાઇફાઇ સુવિધા આપવામાં આવી છે. આ સ્માર્ટફોનમાં 5100mAh બેટરી આપવામાં આવી છે. જે કંપનીના જણાવ્યા અનુસાર 3 દિવસની બેટરી લાઈફ આપે છે. આ સ્માર્ટફોનમાં ક્યુઅલકોમ ફાસ્ટ ચાર્જિંગ પણ આપવામાં આવ્યું છે.

નવા સ્માર્ટફોન શ્રેષ્ઠ ઓનલાઇન સોદા માટે અહીં ક્લિક કરો