સ્કેમથી બચવા ગૂગલે જણાવી 4 યુઝફુલ ટિપ્સ

રોજેરોજ તમે સમાચારમાં નવા નવા સ્કેમ વિશે સાંભળતા હશો. સાઈબર સ્કેમર્સ નવા નવા ઉપાયો અજમાવીને લોકોના બેન્ક અકાઉન્ટ ખાલી કરી દેતા હોય છે. ટ્રેડિંગ સ્કેમથી લઈને ડિજિટલ અરેસ્ટ સુધી લોકો રોજ નવા નવા સ્કેમનો શિકાર બને છે. ગૂગલનો ઉપયોગ દેશ અને દુનિયામાં અરબો લોકો કરે છે. ગૂગલ પોતાના યુઝર્સને સાવચેત કરવા માટે, સેફ રાખવા માટે સ્કેમથી બચવા માટે કેટલીક ખાસ ટિપ્સ આપે છે. જો આ ટિપ્સ ફોલો કરશો, તો સ્કેમનો શિકાર થતા બચી જશો.

Deepfake વાળે મેસેજ

ગૂગલનું કહેવું છે કે કોઈ પણ વીડિયો, ઓડિયો કે ફોટોને ધ્યાનથી ચેક કરો. ઘણા એવા કિસ્સા સામે આવ્યા છે, જેમાં કોઈ સેલિબ્રિટી ટ્રેડિંગ એપને પ્રમોટ કરતા દેખાતા હોય, પરંતુ હકીકતમાં આ સેલિબ્રિટીએ ટ્રેડિંગ એપને ક્યારેય પ્રમોટ નથી કરી હોતી. પહેલી નજરે આ પ્રકારના ઓડિયો કે વીડિયો સાચા લાગે છે, પરંતુ ધ્યાનથી જોશો અને સાંભળશો તો ખ્યાલ આવશે કે આ કન્ટેન્ટ એઆઈની મદદથી તૈયાર કરવામાં આવ્યું છે. આ પ્રકારના વીડિયોના જાંસામાં ન આવશો, ભરોસો ન કરો.

ક્રિપ્ટોમાં રોકાણ કરવા દરમિયાન સતર્ક રહો

જો તમને પણ એવો મેઈલ કે મેસેજ આવે છે જેમાં ક્રિપ્ટોમાં રોકાણ કરીને જબરજસ્ત રિટર્ન આપવાનો વાયદો કરવામાં આવે છે, તો મોટાભાગે આ એક સ્કેમ હોઈ શકે છે. કોઈ પણ સાચી યોજના તમને ઓછા સમયમાં વધારે પડતું રિટર્ન આપવાની કે પછી રોકાણ કરવાની ગેરેન્ટી નથઈ આપતી. જો કોઈ ઓફર કે ડિલ તમને વધારે સારી લાગી રહી છે, તો આ એક સ્કેમ હોવાની પૂરેપૂરી શક્યતા છે.

નકલી એપ્સ અને વેબસાઈટ્સથી બચો

ઘણા સાઈબર સ્કેમર્સ લોકપ્રિય એપ્સ કે વેબસાઈટનું ડુપ્લીકેશન કરીને યુઝર્સની અંગત માહિતી ચોરી લેતા હોય છે. આ નકલી પોર્ટલ દેખાવમાં એકદમ અસલી જેવું લાગે છે, અને ઘણીવાર તો તેમાં નવી આકર્ષક સુવિધાઓ પણ જોવા મળે છે. આ પ્રકારની ઘટનાઓથી બચવા માટે પ્લે સ્ટોર કે એપ સ્ટોર પરથી જ એપ્સ ડાઉનલોડ કરો.

લેન્ડિંગ પેજ ક્લોકિંગથી બચો

આ એક હાઈટેક સ્કેમ છે, જેમાં સ્કેમર્સ યુઝર્સ અને ગૂગલને અલગ અલગ કન્ટેન્ટ દર્શાવે છે. આવી વેબસાઈટ્સ યુઝર્સને લોકપ્રિય વેબસાઈટ જેવો અનુભવ આપે છે, અને તેમના લોગઈન આઈડી તેમજ પાસવર્ડ માગે છે. તેનો ઉપયોગ કરીને યુઝર્સના બેન્ક અકાઉન્ટ, યુપીઆઈ આઈડીને હૅક કરીને પૈસા ચોરી લેતા હોય છે. આ પ્રકારની વેબસાઈટથી બચવા માટે તેમના યુઆરએલ ધ્યાનથી જુઓ.