YouTube Sleep Timer, તમે સૂઈ જશો, તો વીડિયો થઈ જશે બંધ, જાણો નવા સેટિંગ વિશે

YouTubeએ તાજેતરમાં જ પોતાના યુઝર્સ માટે નવા નવા ફીચર્સ રોલઆઉટ કર્યા છે. આ ફીચર્સના લિસ્ટમાં Sleep Timer નામથી એક નવું ફીચર એડ થયું છે. નામ પરથી જ ખ્યાલ આવે છે તેમ આ ફીચરનો ઉપયોગ કરીને યુઝર્સ સ્ક્રીન પર ચાલી રહેલા વીડિયોને એક નિશ્ચિત સમયે બંધ કરી શક્શે. આ ફીચર ખાસ કરીને એવા યુઝર્સને ખૂબ ઉપયોગી થવાનું છે, જેઓ મોબાઈલમાં યુટ્યુબ જોતા જોતા જ સુઈ જાય છે. ઘણીવાર એવું થાય કે આપણે મોબાઈલમાં યુટ્યુબ પર વીડિયો જોતા હોઈએ અને જોતા જોતા જ સુઈ જવાય. આવી પરિસ્થિતિમાં આ ફીચર તમારા વીડિયોને ઓટોમેટિક અટકાવી દેશે.

YouTubeનું નવું Sleep Timer ફીચર Android અને iOS બંને યુઝર્સ માટે રોલઆઉટ કરી દેવાયું છે. જેમ કે, આગળ જણાવ્યું તે પ્રમાણે આ ફીચર તમારા ફોનમાં ચાલી રહેલા યુટ્યુબ વીડિયોઝને પોઝ કરી દેશે. આ ફીચર YouTube Music, Spotify, Apple Musicમાં રહેલા સ્લીપ ટાઈમર ફીચરની જેમ જ કામ કરે છે. આમ તો આ ફીચર બધા જ યુઝર્સ માટે રોલઆઉટ કરી દેવાયું છે, પરંતુ દરેક યુઝર સુધી પહોંચતા તેને થોડો સમય લાગી શકે છે. અમારી ટીમમાંથી કેટલાક લોકોને પોતાની એન્ડ્રોઈડ યુટ્યુબ એપમાં આ ફીચર મળી ચૂક્યુ છે. ચાલો, જાણી લઈએ કે તમે કેવી રીતે આ ફીચરનો ઉપયોગ કરશો?

Sleep Timer ફીચરનો ઉપયોગ કરવા માટે નીચે આપેલા સ્ટેપ્સ ફોલો કરો.

સ્ટેપ 1: સૌથી પહેલા તમારા સ્માર્ટફોન કે પછી લેપટોપમાં YouTube એપ ઓપન કરો.

સ્ટેપ 2: હવે Sleep Timer ફીચરનો ઉપયોગ કરવા માટે, તમે જે પણ વીડિયો જોઈ રહ્યા છો, તેના ટોપ પર પર દેખાતા ત્રણ ડોટ આઈકન પર ક્લિક કરો.

સ્ટેપ 3: બાદમાં તમારી સામે કેટલાક ઓપ્શનનું લિસ્ટ ઓપન થશે.

સ્ટેપ 4: આ લિસ્ટમાં તમને Sleep Timerનું ઓપ્શન દેખાશે.

સ્ટેપ 5: આ Sleep Timerના ઓપ્શન પર ટેપ કરો.

સ્ટેપ 6: બાદમાં તમારી સામે 10 મિનિટથી લઈને 1 કલાક સુધીના જુદા જુદા End of Video વાળા ઓપ્શન દેખાશે.

સ્ટેપ 7: જો તમે ઈચ્છો છો કે વીડિયો 10 મિનિટ બાદ બંધ થઈ જાય તો તમે 10 મિનિટનો ઓપ્શન સિલેક્ટ કરી શકો છો.

સ્ટેપ 8: તમે જે સમય સિલેક્ટ કરશો, તે સમય બાદ વીડિયો આપોઆપ પૉઝ થઈ જશે અને તમારું ડિવાઈસ સ્લીપ મોડમાં જતું રહેશે.