WhatsApp trick એક જ વારમાં એક સાથે 256 લોકોને મોકલો મેસેજ, આટલું કરો

જો તમે WhatsAppનો ઉપયોગ કરો છો, પરંતુ શું તમને આ એપમાં આવતા બધા જ ફીચર્સ વિશે ખ્યાલ છે? તમે જો પોતાની જાતને આ સવાલ પૂછશો, તો જવાબ ના માં જ હશે. હજી પણ ઘણા એવા યુઝર્સ છે, તેમને એ વાત વિશે ખ્યાલ નહીં હોય, કે વ્હોટ્સ એપમાં કેવી રીતે એક જ સાથે 256 લોકોને મેસેજ મોકલી શકાય છે.

આમ તો આ પ્રકારની જરૂર ભાગ્યે જ પડતી હોય છે, અને માની લો કે તમને એક જ મેસેજ ઘણા બધા લોકોને એક સાથે મોકલવાની જરૂર પડી છે, તો તમે એક એક કરીને બધા જ ચેટ્સ ઓપન કરીને મેસેજ મોકલશો? આવું પણ કરી શકાય છે, પરંતુ આ પ્રોસેસ ખૂબ જ લાંબી છે, તમે ઓછા સમયમાં એક જ વારમાં એક સાથે બધા લોકોને મેસેજ કરી શકો છો, પરંતુ તેના માટે તમારે આ એક નાનકડી ટ્રિક જાણવી જરૂરી છે.

વ્હોટ્સ એપની આ ટ્રિકથી થઈ જશે તમારું કામ

WhatsApp દ્વારા પોતાના યુઝર્સની સુવિધા માટે ખાસ બ્રોડકાસ્ટ લિસ્ટ નામનું ફીચર આપવામાં આવ્યું છે. આ ફીચરનો ઉપયોગ કરીને યુઝર્સ ગ્રુપ બનાવ્યા વગર એક સાથે 256 લોકોને મેસેજ મોકલી શકે છે. આના માટે તમારે બસ એક નવું બ્રોડકાસ્ટ લિસ્ટ જ તૈયાર કરવાનું છે. તેના માટે સૌથી પહેલા જમણી બાજુ દેખાતા થ્રી ડોટ્સ પર ક્લિક કરો. અહીં તમને New Broadcast ફીચર દેખાશે. આ ફીચર પર ક્લિક કરો.

ન્યૂ બ્રોડકાસ્ટ પર ટેપ કર્યા બાદ તમારે એ કોન્ટેક્ટ્સ સિલેક્ટ કરવા પડશે, જેમને તમે આ લિસ્ટમાં જોડવા ઈચ્છો છો. જો કે, ધ્યાન રાખો કે આ લિસ્ટમાં તમે એક સાથે 256 કોન્ટેક્ટ્સ જ એડ કરી શકો છો. બધા જ મેમ્બર્સને એડ કર્યા બાદ ડન કરી દો. હવે તમે બ્રોડકાસ્ટ લિસ્ટને તમારા હિસાબે કોઈ પણ નામ આપી શકો છો. બ્રોડકાસ્ટ લિસ્ટ બનાવ્યા બાદ બસ તમારે આ લિસ્ટમાં એક મેસેજ જ નાખવાનો છે, જેને તમે એક સાથે બધા જ લોકોને મોકલવા ઈચ્છો છો.

WhatsApp Broadcast Meaning

આ એક એવું ફીચર છે, જેમાં તમે પોતાના એવા કોન્ટેક્ટ્સ એડ કરી શકો છો, જેને તમે એક સાથે મેસેજ મોકલવા ઈચ્છો છો. જ્યારે તમે આ લિસ્ટમાં કોઈ મેસેજ મોકલો છો, તો આ મેસેજ લિસ્ટમાં રહેલા બધા જ લોકોને એક સાથે મોકલાઈ શકે છે. ધ્યાન રાખો કે આ ગ્રુપ નથી, અહીં દરેક વ્યક્તિને એવું જ લાગશે, કે તમે માત્ર તેમને જ મેસેજ મોકલ્યો છે.

બ્રોડકાસ્ટ લિસ્ટના ફાયદા

બ્રોડકાસ્ટ લિસ્ટ તમારો સમય બચાવે છે. અહીં એક જ મેસેજ એક સાથે ઘણા બધા લોકોને મોકલી શકાય છે. બ્રોડકાસ્ટ લિસ્ટ બનાવવું સરળ છે, તેનો ઉપયોગ કરવો પણ સરળ છે.