Reliance Jioની ધમાકેદાર દિવાળી ગિફ્ટ, આખું વર્ષ 5G ડેટા ફ્રી મેળવવાની તક

Reliance Jio Diwali Gift: જો તમે પણ રિલાયન્સ જીયોનું સિમ યુઝ કરો છો, તો તમારા માટે આ ધનતેરસે સારા સમાચાર આવ્યા છે. કંપની પોતાના ગ્રાહકો માટે એક ધમાકેદાર ઓફર લઈને આવી છે. આ ઓફર અંતર્ગત યુઝર્સને આખું વર્ષ ફ્રી ઈન્ટરનેટ યુઝ કરવા મળી શકે છે. જો કે, જીયોની આ ઓફર એ લોકો માટે વધારે ફાયદાકારક છે, જેમને વધારે ડેટા યુઝ કરવાની જરૂર પડે છે.

જીયોની આ દિવાળી ધમાકા ઓફર તમને આખું વર્ષ હાઈ સ્પીડ 5જી ડેટા ઓફર કરે છે. કંપનીએ ખાસ કરીને પોતાના ગ્રાહકો માટે ફેસ્ટિવલ સિઝનને વધુ સ્પેશિયલ બનાવવા આ ઓફર લોન્ચ કરી છે. જો કે, આ ઓફરનો લાભ લેવો હોય તો ખાસ ધ્યાન રાખો કે ઓફર 3 નવેમ્બર સુધી જ વેલિડ છે. 3 નવેમ્બર બાદ આ ઓફરનો લાભ લઈ શકાશે નહીં. તો, ચાલો જાણી લઈએ આ ઓફરની ડિટેઈલ્સ

આ રીતે મળશે આખું વર્ષ ફ્રી ડેટા

યુઝર્સે આખા વર્ષનું ફ્રી ઈન્ટરનેટ મેળવવા માટે રિલાયન્સ ડિજિટલ અથવા તો MyJio સ્ટોર પરથી 20 હજાર રૂપિયા કે તેનાથી વધારેની કિંમતનું શોપિંગ કરવાનું છે. આ શરત પૂરી કરતા જ ગ્રાહકોને એક વર્ષ માટે એટલે કે નેકસ્ટ 12 મહિના માટે એકદમ ફ્રી ઈન્ટરનેટનો ઉપયોગ કરવા મળશે.

જો કે, આ ઓફર માત્ર 3 નવેમ્બર સુધી અવેલેબલ છે. જો તમને વધારે ઈન્ટરનેટની જરૂર પડે છે, તો 3 નવેમ્બર પહેલા તમારે આ ઓફરનો લાભ લઈ લેવો જોઈએ. આ ઉપરાંત જીયો પોતાના એર ફાઈબર પ્લાન માટે પણ એક ખાસ ઓફર લઈને આવી છે. દિવાળી ધમાકા ઓફર અંતર્ગત ગ્રાહકોને 2,222 રૂપિયામાં લગભગ 3 મહિના માટે જીયો એર ફાઈબર સર્વિસનો લાભ મળી શકે છે.

જીયોની આ દિવાળી ઓફર અંતરગ્ત કંપની પોતાના એર ફાઈબર યુઝ્સને નવેમ્બર 2024 અને ઓક્ટોબર 2025 વચ્ચે રિચાર્જ કરવા માટે 12 એડવાન્સ કૂપન આપી રહી છે. જે એક્ટિવ જીયો ફાઈબર પ્લાન જેટલી જ મહત્વની છે. આ કૂપન્સ તમે MyJio એપ, રિલાયન્સ ડિજિટલ, જીયો પોઈન્ટ કે પછી જીયો માર્ટ ડિજિટલ એક્સલૂઝિવ સ્ટોર પર રીડિમ કરી શકો છો.