Realme 10 Pro + 5Gનું ટીઝર પોસ્ટર આવ્યું સામે, આવી હશે ડિઝાઈન

Realme એ પોતાનો લેટેસ્ટ સ્માર્ટ ફોન Realme 10 9 નવેમ્બરે ઈન્ડોનેશિયામાં લોન્ચ કરી દીધો છે. તો હવે કંપની પોતાના નવા સ્માર્ટ ફોન 10 સિરીઝને 17 નવેમ્બરે ચીનમાં લોન્ચ કરવાની છે. મળતી માહિતી મુજબ Realme 10 Pro + 5G ફોન પણ આ લોન્ચનો જ ભાગ હશે. અત્યાર સુધી સામે આવેલી માહિતી મુજબ કંપની Realme 10 Pro + 5Gને કર્વ્ડ ડિસ્પ્લે સાથે લોન્ચ કરવાની છે. જો કે, આ ચર્ચાઓની વચ્ચે કંપનીએ અપકમિંગ સ્માર્ટફોનનું ઓફિશિયલ પોસ્ટર જાહેર કર્યું છે, જેમાં ફોનમાં બેક પેનલ ડિઝાઈન પણ જોવા મળી રહી છે.

જાહેર થયો ફોનનો પહેલો લૂક

Realme દ્વારા પોતાના સત્તાવાર સોશિયલ મીડિયા હેન્ડલ પર Realme 10 Pro + 5G સ્માર્ટફોનનું ટીઝર પોસ્ટર જાહેર કરવામાં આવ્યું છે. આ ટીઝર પોસ્ટરમાં Realme 10 Pro + 5G સ્માર્ટફોનની બેક પેનલ ડિઝાઈન જોવા મળી રહી છે. ફોનની પાછળની બાજુ મલ્ટીકલર બેક પેનલ ડિઝાઈન કરવામાં આવી છે. આ ઉપરાંત ફોનમાં પાછળની બાજુ ટ્રિપલ રિયર કેમેરા સેટઅપ મળશે. આ કેમેરા સેટઅપ બે મોટી સર્ક્યુલર રિંગમાં ડિઝાઈન કરવામાં આવી છે. કેમેરા રિંગની બહારની બાજુ એલઈડી ફ્લેશ આપવામાં આવી છે.

Realme 10 Pro + 5Gમાં આવા હોઈ શકે છે સ્પેસિફિકેશન્સ

તમને જણાવી દઈએ કે હજી કેટલાક દિવસ પહેલા જ આ ફોન GeekBench વેબસાઈટ પર જોવા મળ્યો હતો. આ વેબસાઈટ પરના લિસ્ટિંગ પરથી જાણવા મળ્યુ છે કે Realme 10 Pro + 5Gમાં મીડિયાટેક ડાયમેન્સિટી 1080 પ્રોસેસર હશે, અને આ લેટેસ્ટ સ્માર્ટફોન એન્ડ્રોઈડ 13 પર કામ કરશે.

ત્રણ વેરિયંટ્સમાં મળશે સ્માર્ટ ફોન

આ ઉપરાંત આ સ્માર્ટ ફોન ચાઈના ટેલિકોમ પર પણ સ્પોટ થઈ ચૂક્યો છે, જ્યાંથી પણ ફોનના કેટલાક સ્પેસિફિકેશન્સની જાણ થઈ છે. આ ફોનમાં 6.7 ઈંચની ફૂલ એચડી પ્લસ અમોલ્ડ ડિસ્પ્લે મળી શકે છે. સત્તાવાર રીતે એ તો કન્ફર્મ થઈ ચૂક્યુ છે કે આ ફોનમાં કર્વ્ડ ડિસ્પ્લે જોવા મળશે. તો સેલ્ફી કેમેરા માટે ફોનમાં પંચ હોલ કટ આઉટ આપવામાં આવશે. સિક્યોરિટી માટે ફોનમાં ઈન ડિસ્પ્લે ફિંગર પ્રિન્ટ સેન્સર મળશે. આ સ્માર્ટ ફોન 8 GB + 128 GB, 8 GB + 256 GB અને 12 GB + 256 GB એમ ત્રણ વેરિયંટ્સમાં મળશે.

જાણો કેમેરા ડિપાર્ટેન્ટ અંગે

ફોટોગ્રાફી માટે આ સ્માર્ટ ફોનમાં ટ્રિપલ રિયર કેમેરા સેટઅપ હશે. જેનો પ્રાઈમરી કેમેરા 108 મેગાપિક્સલનો હશે, સાથે જ 8 મેગાપિક્સલનો અલ્ટ્રાવાઈડ સેન્સર અ 2 મેગાપિક્સલનો ત્રીજો કેમેરા આપવામાં આવશે. તો સેલ્ફી અને વીડિયો કોલિંગ માટે 16 મેગાપિક્સલ કેમેરા મળશે. ફોનની બેટરી 5000 mAhની કેપેસિટીવાળી હશે, જે 67 વોલ્ટના ફાસ્ટ ચાર્જિંગને સપોર્ટ કરશે. આ ફોન યુએસબી ટાઈપ સી પોર્ટ ધરાવે છે.