Realme 10 Pro સિરીઝ થશે લોન્ચ, જાણો ફીચર્સ અને કિંમત

ચાઈનીઝ સ્માર્ટ ફોન કંપની Realme જે બજેટ પ્રાઈઝમાં એન્ડ્રોઈડ સ્માર્ટ ફોન લોન્ચ કરવા માટે જાણીતી છે, તે હવે આ વીક એન્ડ દરમિયાન Realme 10 Pro સિરીઝના સ્માર્ટફોન લોન્ચ કરવા જઈ રહી છે. Realme 10 Pro સિરીઝમાં કંપની Realme 10 Pro અને Realme 10 Pro + એમ બે સ્માર્ટફોન લોન્ચ કરવાની છે. રિયલમીએ અત્યાર સુધી બજેટમાં પ્રીમિયમ ફીલ આપે તેવા સ્માર્ટ ફોન પર ધ્યાન કેન્દ્રિત કર્યું છે. ત્યારે આ વખતે નવા બે સ્માર્ટ ફોનની રાહ યુઝર્સ પણ જોઈ રહ્યા છે. ચાલો, જોઈએ આ બંને સ્માર્ટ ફોનમાં કંપની શું નવું લઈને આવી રહી છે.

8 ડિસેમ્બરે થશે લોન્ચ

Realmeની લોન્ચ ઈવેન્ટ 8 ડિસેમ્બરના રોજ યોજાવાની છે, જ્યાં કંપની Realme 10 Pro સિરીઝના બંને સ્માર્ટફોન જાહેર કરશે. આ બંને સ્માર્ટફોન કંપની ચીનમાં ગયા મહિને જ લોન્ચ કરી ચૂકી છે. પરિણામે આપણી પાસે હવે ફોનના સ્પેસિફીકેશન્સ અને ફીચર્સની માહિતી ઉપલબ્ધ છે.

Realme 10 Pro અને Realme 10 Pro + બંને સ્માર્ટફોનમાં ડિસ્પ્લે જુદી જુદી છે. Realme 10 Pro +માં 6.7 ઈંચની AMOLED ડિસ્પ્લે આપવામાં આવી છે, જે કર્વ્ડ ગ્લાસ પેનલથી સજ્જ છે. Full HD+ સક્રીનમાં 120 હર્ટ્ઝનો રિફ્રેશ રેટ મળે છે. અત્યાર સુધી આ સ્પેસિફિકેશન ધરાવતી ડિસ્પ્લે માત્ર પ્રીમિયમ સ્માર્ટફોનમાં જ જોવા મળતી હતી. પરંતુ રીયલમી હવે આ ડિસ્પ્લેને મિડ રેન્જ સ્માર્ટફોનમાં પણ લઈ આવી છે.

તો Realme 10 Proમાં 6.72 ઈંચની IPS LCD ડિસ્પ્લે આપવામાં આવી છે, પરંતુ આ ડિસ્પ્લે પેનલ Ful HD+ રિઝોયુશન અને 120 હર્ટ્ઝ રિફ્રેશ રેટને પણ સપોર્ટ કરે છે. આ ડિવાઈસમાં કંપની ક્વાલકોમ સ્નેપડ્રેગન 695 SoC પ્રોસેસર આપી રહી છે, જ્યારે Realme 10 Pro +માં મીડિયાટેક 1080 ચીપસેટ મળશે.

Realme 10 Pro સિરીઝના બંને સ્માર્ટફોનમાં એક જ RAM વેરિયંટ છે. બંને સ્માર્ટ ફોન 12 જીબી રેમ અને 256 જીબી ઓનબોર્ડ સ્ટોરેજ સાથે આવે છે.

Realme 10 Pro +માં ત્રિપલ કેમેરા સેટઅપ છે, જેમાં મુખ્ય કેમેરા 108 મેગાપિક્સલનો સેમસંગનો HP6 હશે, જેની સાથે 8 મેગાપિક્સલનો અલ્ટ્રાવાઈડ કેમેરા અન 2 મેગાપિક્સલનો મેક્રો સેન્સર કેમેરા મળશે.

Realme 10 Proમાં કંપની ડ્યુઅલ કેમેરા સેટઅપ આપી રહી છે, જેમાં મુખ્ય કેમેરા 108 મેગાપિક્સલનો હશે, જ્યારે 2 મેગાપિક્સલનો ડેપ્થ લેન્સ મળશે. બંને સ્માર્ટફોનમાં ફ્રન્ટ સાઈડ 16 મેગાપિક્સલનો ફ્રન્ટ ફેસિંગ કેમેરા લેન્સ મળશે. આ બંને સ્માર્ટ ફોન 33 વોલ્ટના ફાસ્ટ ચાર્જિંગ અને 5,000 mAh બેટરી કેપેસિટી ધરાવે છે.

Realme 10 Pro સિરીઝની કિંમત

Realmeના ભારતના વાઈસ પ્રેસિડેન્ટ માધવ શેઠે તાજેતરમાં જ કહ્યું હતું કે Realme 10 Pro સિરીઝના સ્માર્ટફોનની કિંમત ખૂબ જ મહત્વની ભૂમિકા ભજવશે. લાગી રહ્યું છે કે હરિફાઈને પહોંચી વળવા માટે કંપની ખૂબ જ કોમ્પિટિટીવ કિંમતે આ બંને સ્માર્ટપોન લોન્ચ કરી શકે છે.

એન્ટ્રીલેલવ Realme 10 Proની કિંમત કંપની ભારતમાં 20,000 રૂપિયા રાખે તેવી શક્યતા છે, જ્યારે Realme 10 Pro + ભારતમાં 25,000ની કિંમતમાં મળી શકે છે. જો કે, બંને સ્માર્ટફોનની ખરી કિંમત તો લોન્ચના દિવસે જ જાણી શકાશે.