વિશ્વની સૌથી નાની પાવરબેન્ક ભારતમાં લોન્ચ, કિંમત પણ સાવ ઓછી

જો તમને પણ મોટી અને વજનદાર પાવર બેન્ક પ્રવાસ દરમિયાન કૅરી કરવામાં ભારે પડે છે, તો આ નવી પાવર બેન્ક તમારી સમસ્યા દૂર કરી શકે છે. તાઈવાનની કંપની Promateએ પોતાની નવી પાવરબેન્ક Promate Acme-PD20 ભારતમાં લોન્ચ કરી છે. આ પાવર બેન્ક ખૂબ જ પાતળી છે અને વજનમાં હલકી છે. જેને તમે મુસાફરી દરમિયાન સરળતાથી પોતાની સાથે લઈને ફરી શકો છો. આ પાવર બેન્ક અંગે કંપનીનો દાવો છે કે તે વિશ્વની સૌથી નાની પાવર બેન્ક છે. ચાલો, જાણીએ કે આ લેટેસ્ટ પાવર બેન્કની કિંમત શું છે અને તેની ખાસિયત શું છે.

Promate Acme-PD20ની ખાસિયત

Promate Acme-PD20ની પાવર બેન્ક સુપર પોર્ટેબલ પાવર બેન્ક છે. જેને કેપનીએ એક શાનદાર ડિઝાઈન સાથે લોન્ચ કરી છે. Promate Acme-PD20 યુઝર્સને સુપરફાસ્ટ PD (Type C) ચાર્જિંગ પોર્ટ આપે છે. સાથે જ તેમાં ક્વાલકૉમની QC 3.0 ચાર્જિંગ ટેક્નોલોજી છે. આ પાવર બેન્ક તમારી હથેળીમાં સમાઈ જાય એટલી નાની સાઈઝની છે. Promate Acme-PD20ની સાઈઝની વાત કરીએ તો તેની સાઈઝ 5.8 cm * 7.9 cm છે. જેને કારણે યુઝર્સ તેને ખિસ્સામાં પણ લઈને હરી ફરી શકે છે.

બે કલરમાં ઉપલબ્ધ છે પાવર બેન્ક

કંપનીએ આ લેટેસ્ટ પાવર બેન્કને બ્લેક અને બ્લૂ એમ બે કલરમાં લોન્ચ કરી છે. આ પાવર બેન્કમાં ટાઈપ સી ઈનપુટ છે. કંપનીનું માનીએ તો પાવર બેન્કમાં હાઈ-વોલ્ટેજ અને હિટીંગ રોકવા માટે તેમાં અલગથી પ્રોટેક્શન લેયર આપવામં આવ્યું છે. તમે આ પાવર બેન્કને કોઈ પણ યુએસબી ટાઈપ અને ટાઈપ સી પોર્ટ સપોર્ટ કરતા ડિવાઈસથી ચાર્જ કરી શકો છો.

ફાસ્ટ ચાર્જિંગને સપોર્ટ કરે છે આ નાની પાવર બેન્ક

કંપનીનો દાવો છે કે, આ પાવર બેન્ક વાધારે સારી ગ્રિપિંગ અને પ્રીમિયમ બિલ્ડ ક્વોલિટી ધરાવે છે. આ પાવર બેન્ક 10,000 mAh કેપેસિટી ધરાવે છે, જે લિથિયમ આયર્ન બેટરી છે. કંપનીનું કહેવું છે કે 20 W PD અને 22.5 W QC 3.0 પોર્ટની મદદથી આ પાવર બેન્ક ફાસ્ટ ચાર્જિંગ કરે છે.

પાવર બેન્કની કિંમત કેટલી છે?

કિંમતની વાત કરીએ તો કંપનીએ આ પાવર બેન્કની કિંમત માત્ર 3,199 રૂપિયા નક્કી કરી છે. સાથે જ તેના પર 2 વર્ષની વોરંટી પણ મળી રહી છે. Promate Acme-PD20 એમેઝોનની ઈ કોમર્સ વેબસાઈટ પરથી ખરીદી શકાય છે. ભારતમાં આ સૌથી નાની પાવર બેન્કનું વેચાણ શરૂ થઈ ચૂક્યુ છે.