OnePlus Ace 3 100 Wના ફાસ્ટ ચાર્જિંગ સાથે થશે લોન્ચ, જાણો અન્ય ફીચર્સ

OnePlusની ગણતરી વિશ્વની ટોચની સ્માર્ટફોન બ્રાન્ડ્સમાં થાય છે. હાલ આ ટેક કંપનીપોતાના ગ્રાહકો માટે વધુ એક નવા ફોનને લોન્ચ કરવાની તૈયારી કરી રહી છે. વન પ્લસ કંપની પોતાનો લેટેસ્ટ ફોન OnePlus Ace 3 ચીનમાં 4 જાન્યુઆરીએ લોન્ચ કરશે. Oneplus એ પોતાના આ નવા હેન્ડસેટની ડિઝાઇન કેવી હશે અને કયા કલર વેરિઅન્ટ્સમાં ફોન લોન્ચ થવાનો છે, તે અંગે માહિતી આપતું એક ટીઝર રજૂ કર્યું છે અને હવે OnePlus Ace 3ના સ્પેસિફિકેશન્સ અંગે માહિતી સત્તાવાર રીતે જાહેર કરવામાં આવી છે. તો, ચાલો જાણી લઈએ કે શા માટે આ સ્માર્ટફોન ખરીદવો જોઈએ અને ભારતમાં આ ફોન ક્યારે અવેલેબલ થશે.

OnePlus Ace 3 ની વિશિષ્ટતાઓ

•OnePlus Ace 3 માં, તમને 6.78-ઇંચની OLED પેનલ ધરાવતી સ્ક્રીન મળશે, જેમાં 1-સિરીઝ 8T LTPO પેનલ P1 ડિસ્પ્લે ચિપ, 800 nits મેન્યુઅલ પીક બ્રાઇટનેસ, 1,600nits વૈશ્વિક પીક બ્રાઇટનેસ અને 4,500 nits પીક બ્રાઇટનેસ હશે. આ ડિસ્પ્લેની સ્ક્રીન 120Hz રિફ્રેશ રેટને સપોર્ટ કરે છે. હવે, પ્રોસેસર વિશે વાત કરીએ તો, તમે આ ફોનમાં Snapdragon 8 Gen 2 ચિપસેટ મેળવી શકો છો, જે 16GB સુધીની RAM અને 1TB સુધીની સ્ટોરેજ કેપેસિટી ધરાવે છે.

જાણો કેમેરા વિશે

OnePlus Ace 3ના કેમેરા ફીચર્સ વિશે વાત કરીએ તો, તમને તેમાં ટ્રિપલ કેમેરા સેટઅપ આપવામાં આવ્યો છે, જેમાં 50 MP (OIS સાથે IMX890 સેન્સર), 8 MP અલ્ટ્રા-વાઇડ લેન્સ અને 2 MP મેક્રો સેન્સર છે. આમાં તમને 16 MP ફ્રન્ટ કેમેરા પણ આપવામાં આવશે.

આજકાલ ફોનનો ઉપયોગ ખૂબ વધી ગયો છે, બધા જ કામ ફોનથી થાય છે. પરિણામે ફોનની બેટરી પણ વધારે વપરાય છે. આ સમસ્યાને દૂર કરવા માટે OnePlus Ace 3માં દમદાર બેટરી અને ફાસ્ટ ચાર્જિંગની સુવિધા છે, આ ફોનમાં તમને 100W ચાર્જિંગને સપોર્ટ કરતી 5000mAh બેટરી મળે છે.

વન પ્લસનો આ નવો ફોન ભારત, ઉત્તર અમેરિકા અને યુરોપ જેવા બજારોમાં OnePlus 12 તરીકે રિબ્રાન્ડ કરવામાં આવશે. જ્યાં 12R આયર્ન ગ્રે અને કૂલ બ્લુ શેડ્સમાં આવશે. આ સિવાય આ ફોનને ચીનમાં સેન્ડ ગોલ્ડ, સ્ટાર બ્લેક અને મૂન સી બ્લુ જેવા શેડ્સમાં રજૂ કરવામાં આવશે.