Lenovo LOQ ગેમિંગ લેપટોપ ભારતમાં લોન્ચ, જબરજસ્ત ફીચર્સથી સજ્જ

Lenovoએ ગેમર્સ માટે Lenovo LOQ ગેમિંગ સિરીઝ ભારતમાં લોન્ચ થઈ ચૂકી છે. આ લાઈનઅપ અંતર્ગત કંપનીએ ભારતમાં 5 લેપટોપ લોન્ચ કર્યા છે. આ લેપટોપમાં જબરજસ્ત ડિસ્પ્લેની સાથે Intel 13th Core અને Ryzen 7 ઓક્ટાકોર પ્રોસેસર આપવામાં આવ્યું છે. આ ઉપરાંત આ લેપટોમાં NVIDIA GeForce RTX 3050, RTX 4050 અને RTX 4060 પણ આપવામાં આવ્યા છે. ચાલો, હવે ડિટેઈલમાં જાણીએ આ બધા જ લેપટોપના ફીચર્સ અને કિંમત વિશે.

Lenovo LOQ સિરીઝમાં મળનારા ફીચર્સ

Lenovo LOQ સિરીઝના ગેમિંગ લેપટોપમાં 15.6 ઈંચની ફૂલ એચડી IPS ડિસ્પ્લે આપવામાં આવી છે. આ ડિસ્પ્લેનું રિઝોલ્યુશન 1920*1080 પિક્સલ છે અને રિફ્રેશ રેટ 144 Hz છે. આ લેપટોપમાં NVIDIA G-SYNC સપોર્ટની સાથે સાથે 13th Gen Intel Core i7 ચિપસેટ, 16GB DDR5 RAM અને 512GB ઈન્ટરનલ સ્ટોરેજ આપવામાં આવ્યું છે.

બેટરી

આ નવા ગેમિંગ લેપટોપમાં 60 Whrની બેટરી આપવામાં આવી છે, જેને ચાર્જ કરવા માટે USB-C પોર્ટ મળે છે. કંપનીનો દાવો છે કે આ બેટરી માત્ર 30 મિનિટમાં જ 50 ટકા સુધી ચાર્જ થઈ જાય છે. આ ઉપરાંત આ લેપટોપમાં 115W Max TGP અને ડાયનેમિક બૂસ્ટ સપોર્ટ મળે છે.

અન્ય ફીચર્સ

લીનોવો લૉક લાઈનઅપના બધા જ ગેમિંગ લેપટોપ વિન્ડોઝ 11 પર કામ કરે છે. દમદાર સાઉન્ડ માટે આ લેપટોપમાં બે સ્પીકર આપવામાં આવ્યા છે. આ ઉપરાંત, લેપટોપમાં બેકલિસ્ટ કી બોર્ડની સાતે સાતે વેબ કેમ અને બ્લૂટૂથ તેમજ વાઈ ફાઈ જેવા ફીચર્સ મળે છે.

જાણો કયા મોડેલની કેટલી છે કિંમત

· 13th Gen Intel Core i7, RTX 4050-16+512ની કિંમત 99,990

· 13th Gen Intel Core i7, RTX 4060- 16+512ની કિંમત રૂપિયા 1,14,990

· 12th Gen Intel Core i5, RTX 4050-16+512ની કિંમત રૂપિયા 92,990

· 12th Gen Intel Core i5, RTX 4060-16+512ની કિંમત રૂપિયા 97,990

· 12th Gen Intel Core i5, RTX 3050-16+512ની કિંમત રૂપિયા 78,990

· Ryzen 7 Octa Core 7840HS, RTX 4050-16+512ની કિંમત રૂપિયા 99,990

· Ryzen 7 Octa Core 7840HS, RTX 3050-16+512ની કિંમત રૂપિયા 87,990

ગત મહિને લોન્ચ કર્યું હતું ટેબ્લેટ

ઉલ્લેખનીય છે કે લીનોવોએ હજી ગયા મહિને જ Lenovo Tab M10 5G ટેબ્લેટ લોન્ચ કર્યું હતું. આ ટેબની કિંમત 24,999 રૂપિયા રાખવામાં આવી છે. આ ટેબ્લેટના ફીચર્સની વાત કરીએ તો તેમાં 10.61 ઈંચની IPS LCD ડિસ્પ્લે મળે છે. આ સ્ક્રીન 1200*2000 પિક્સલના રિઝોલ્યુશનને સપોર્ટ કરે છે. આ ટેબ્લેટ સ્નેપડ્રેગન 695 પ્રોસેસરથી સજ્જ છે. જ્યારે ફોટોગ્રાફી માટે તેમાં 13 મેગાપિક્સલનો કેમેરા છે, અને ફ્રંટ સાઈડ 8 મેગાપિક્સનો કેમેરા મળે છે.

આ ટેબમાં 7700 mAhની બેટરી આપવામાં આવી છે, જે ફૂલ ચાર્જમાં 12 કલાક ચાલે છે. આ લેટેસ્ટ ટેબ્લેટમાં ડ્યુઅલ સ્પીકર્સની સાથે ડોલ્બી એટમોસ સપોર્ટ મળે છે. આ ઉપારંત વાઈ ફાઈ, જીપીએસ, બ્લુટૂથ અને યુએસબી ટાઈપ સી પોર્ટ જેવા કનેક્ટિંગ પોર્ટ્સ મળે છે.