iPhone 14 મળશે ખૂબ જ સસ્તો, બસ કરો આટલું

એપલે 2 અઠવાડિયા પહેલા જ પોતાના નવા સ્માર્ટ ફોન iPhone 14 સિરીઝ લોન્ચ કર્યા છે. જેની કિંમત 79,900 પિયાથી શરૂ થાય છે. iPhone 14 અને iPhone 14 પ્લસમાં ડિઝાઈનથી લઈને બીજી કેટલીક બાબતો જૂના આઈફોન જેવી જ છે. પરંતુ iPhone 14 પ્રો અને iPhone 14 પ્રો મેક્સમાં કંપનીએ ડિસ્પ્લે ફીચર્સ સુધાર્યા છે, સાથે જ તેમાં તદ્દન નવું A16 બાયોનિક પ્રોસેસર આપવામાં આવ્યું છે. આ બંને હાઈ એન્ડ મોડેલમાં કંપનીએ 48 મેગાપિક્સલનો પ્રાઈમરી કેમેરા આપીને કેમેરા સેટઅપમાં પણ સુધારો કર્યો છે. જો કે iPhone 14 પ્રો અને iPhone 14 પ્રો મેક્સની કિંમત પણ ઘણી વધારે છે.

જો તમારી પાસે હાલની સ્થિતિમાં iPhone છે, તો તમે નવા iPhone 14 ખૂબ જ સસ્તામાં મેળવી શકો છો. કંપની આઈફોન ધારકોને નવા iPhone 14 પર મોટું ડિસ્કાઉન્ટ આપી રહી છે. બસ આ માટે તમારે તમારો જૂનો આઈફોન આપી દેવો પડશે, એટલે કે તમે એક્સચેન્જ ઓફરનો લાભ લઈને iPhone 14 પર અપગ્રેડ થઈ શકો છો. તમે તમારા હાલના આઈફોનની કેટલી કિંમત આવશે, તેની જાણકારી એપલની સત્તાવાર વેબસાઈટ કે પછી તમારા નજીકના એપલ ઓથોરાઈઝ્ડ રિટેઈલ સ્ટોર પરથી મેળવી શકો છો. જો, તમે વેબસાઈટ પર આ માહિતી ચેક કરો છો, તો તમારે તમારા એરિયાનો પિન કોડ અને આઈફોનનો સીરિયલ નંબર ઈનપુટ કરવાનો રહેશે. જો કે, તમારા હાલના આઈફોનની કેટલી કિંમત મળશે, તે તો તમારા ફોનની સ્થિતિ જોઈને જ નક્કી થશે.

અહીં સારી વાત એ છે કે જો તમારે નવો iPhone 14 ખરીદવો છે તો એક્સચેન્જમાં તમે માત્ર આઈફોન જ નહીં, પરંતુ કોઈ પણ એન્ડ્રોઈડ ફોન પણ આપી શકો છે. સિવાય, કે તમારી પાસે સેમસંગ અથવા વન પ્લસ જેવી બ્રાન્ડના ફ્લેગશિપ ફોન હોય. આ પ્રકારના ફોન પર આઈફોનની સરખામણીમાં ખાસ એક્સચેન્જ બોનસ નથી મળતું.

ભારતમાં iPhone 14 સિરીઝની શરૂઆતી કિંમત

iPhone 14 – રૂ, 79,900 (128 જીબી)

iPhone 14 પ્લસ – રૂ. 89,900 (128 જીબી)

iPhone 14 પ્રો – રૂ. 1,29,900 (128 જીબી)

iPhone 14 પ્રો મેક્સ – રૂ. 1,39,900 (128 જીબી)

iPhoneના જુદા જુદા મોડેલના એક્સચેન્જ રેટ

એપલની સત્તાવાર વેબસાઈટ મુજબ ઉપર દર્શાવેલ મોડેલ્સ પર તમને વધુમાં વધું આટલું એક્સચેન્જ બોનસ મળી શકે છે. પરંતુ ફાઈનલ એક્સચેન્જ બોનસ કેટલું હશે, તે તો તમારા ફોનની કંડીશન પર જ આધાર રાખે છે. જો તમારી પાસે iPhone 6એસ છે, તો તમને 4,750 રૂપિયા એક્સચેન્જ બોનસ મળી શકે છે, જ્યારે iPhone 13 પ્રો મેક્સ પર કંપની 58,730 રૂપિયાનું માતબર એક્સચેન્જ બોનસ પણ આપી રહી છે.

જો તમને આના કરતા વધારે સારી ડીલ મળતી હોય, તો તમે બીજે ક્યાંય પણ તમારો જૂનો iPhone વેચી શકો છો. પરંતુ જ્યારે તમે તમારો iPhone એપને વેચો છો, ત્યારે કંપની તમારા જૂના ફોનને રિસાઈકલ કરે છે.