Flipkart Big Diwali Saleમાં iPhone 13, Google Pixel 6Aના ભાવમાં અધધધ ઘટાડો

Flipkart Big Diwali સેલની શરૂઆત થઈ ચૂકી છે, અને આ સેલ 23 ઓક્ટોબર સુધી ચાલવાનું છે. આ સેલ દરમિયાન ગ્રાહકોને જુદી જુદી પ્રોડક્ટ્સ પર મોટું ડિસ્કાઉન્ટ મળી રહ્યું છે. ખાસ કરીને સ્માર્ટફોન્સ, લેપટોપ, ઈયરબડ્ઝ, સ્માર્ટ વૉચ અને કિચન અપ્લાયન્સિસ ખૂબ જ સસ્તા મળી રહ્યા છે. આ સેલ દરમિયાન iPhone 13 50 હજાર કરતા પણ ઓછી કિંમતમાં મળી રહ્યો છે. ફ્લિપકાર્ટ બિગ દિવાલી સેલ દરમિયાન iPhone 13 59,999 રૂપિયામાં મળી રહ્યો છે. જો તમે આ સેલ દરમિયાન એક્સચેન્જ ઓફરનો પણ લાભ લો તો તમને 16,900 રૂપિયાનું એક્સચેન્જ બોનસ પણ મળી શકે છે. જેને કારણે સ્માર્ટ ફોનની કિંમત 43,090 રૂપિયા જેટલી થઈ જાય છે.

Flipkart આ બિગ દિવાળી સેલ દરમિયાન Google Pixel 6a પર પણ ડિસ્કાઉન્ટ આપી રહ્યું છે. ફ્લિપકાર્ટના બિગ દિવાળી સેલ દરમિયાન ગૂગલનો આ સ્માર્ટ ફોન 17,999 રૂપિયામાં ખીદી શકો છો. ઈ કોમર્સ જાયન્ટ આ સ્માર્ટ ફોન પર 16,900 રૂપિયા સુધીનું એક્સચેન્જ ડિસ્કાઉટ પણ આપી રહી છે.

ફ્લિપકાર્ટ દિવાળી નિમિત્તે યોજાઈ રહેલા આ સેલ દરમિયાન રિયલમી, પોકો, સેમસંગ, વીવો, ઓપ્પો, એપલ, શાઓમી, મોટોરોલા, ગૂગલ, ઈન્ફિનિક્સ, માઈક્રોમેક્સ અને લાવાના સ્માર્ટફોન પર પણ સારું એવું ડિસ્કાઉન્ટ ઓફર કરી રહી છે. બિગ દિવાલી સેલ દરમિયાન ઈ ટેઈલર કંપની બેન્ક ઓફર તરીકે 10 ટકા ઈન્સ્ટન્ટ ડિસ્કાઉન્ટ પમ આપશે. જો ગ્રાહકો સ્ટેટ બેન્ક ઓફ ઈન્ડિયાના કાર્ડ દ્વારા ખરીદી કરશે, તો આ 10 ટકાના ઈન્સ્ટન્ટ ડિસ્કાઉન્ટનો લાભ મળશે. આ ઉપરાંત પેટીએમ વોલેટ કે યુપીઆઈથી ખરીદી કરવા પર 10 ટકા કેશબેક પણ મળશે.

Apple iPhone 13 Specifications

iPhone 13ની સ્ક્રીન સાઈઝ તેના અગાઉના આઈફોન્સ જેવી જ છે. આઈફોન 13ની સાઈઝ આઈફોન 12ની સ્ક્રીન સાઈઝ જેટલી 6.1 ઈંચની છે. જો કેમેરાની વાત કરીએ તો આઈફોન 13માં 12 મેગાપિક્સલનો વાઈડ અને અલ્ટ્રાવાઈડ લેન્સ કેમેરા મળે છે. 2021ના આ સ્માર્ટફોનમાં તેના અગાઉના આઈફોન્સ કરતા વધારે મોટા સેન્સર છે, સાથે જ તેમાં ડાયાગોનલ કેમેરા લેન્સ સેટઅપ છે.

Google Pixel 6Aના સ્પેસિફિકેશન્સ

Google Pixel 6Aમાં 6.14 ઈંચની OLED fullHD+ ડિસ્પ્લે આપવામાં આવી છે. આ ડિવાઈઝ ગૂગલ ટેન્સર ચીપસેટ પર કામ કરે છે, અને તેમાં 12 મેગાપિક્સલ ડ્યુઅલ કેમેરા સેટઅપ મૂકવામાં આવ્યો છે. જ્યારે ગૂગલના સ્માર્ટફોનમાં સેલ્ફી માટે 8 મેગાપિક્સલનો ફ્રન્ટ કેમેરા મૂકવામાં આવ્યો છે. આ સ્માર્ટફોનમાં 4,410 mAhની બેટરી મળે છે. પરંતુ ગૂગલ પણ એપલની જેમ પોતાના આ સ્માર્ટફોન સાથે ચાર્જિંગ ડોક પ્રોવાઈડ નથી કરતું.

તો ફ્લિપકાર્ટના બિગ દિવાળી સેલ દરમિયાન તમે આ બે સૌથી વધુ વેચાતા સ્માર્ટફોનના લિસ્ટમાં સમાવિષ્ટ એવા આઈફોન 13 અને ગૂગલ પિક્સલ 6એને સસ્તા ભાવે ખરીદી શકો છો. જો તમને બ્રાન્ડેડ સ્માર્ટફોન વાપરવાનો શોખ છે, તો આ સેલ તમારા માટે ઉત્તમ તક છે.