Blinkit પર આઈફોન 15 ની ડિલિવરી મેળવો માત્ર 10 મિનિટ માં

આઈફોન 15 સિરીઝ ભારતમાં 22 સપ્ટેમ્બરથી ઉપલબ્ધ છે. મુંબઈ અને દિલ્હીમાં એપલ સ્ટોર્સની બહાર લાંબી લાઈનોમાં ઊભેલા રસ ધરાવતા ખરીદદારો જોવા મળ્યા હતા. જો કે, Blinkit નામની એપ્લિકેશને ગ્રાહકો માટે નવા આઈફોન15 સિરીઝ મેળવવા ની પ્રકિર્યા ને વધુ સરળ બનાવી દીધી છે.

Blinkit એ એપલ ઓથોરાઈઝડ રિસેલર યુનિકોર્ન સાથે ભાગીદારી કરી છે જેથી ઝડપી આઈફોન 15 ડિલિવરી સેવા ઓફર કરી શકાય. હાલમાં, આ સેવા દિલ્હી NCR, મુંબઈ અને પુણે સુધી મર્યાદિત છે. HDFC બેંક કાર્ડથી ચૂકવણી કરનારા વપરાશકર્તાઓને રૂ. 5,000 સુધીનું કેશબેક પણ મળી શકે છે, અને EasyEMI વિકલ્પો ઉપલબ્ધ છે.

આઈફોન 15 અથવા આઈફોન 15 પ્લસ ઓર્ડર કરવા માટે, વપરાશકર્તાઓ આઇઓએસ અને એન્ડ્રોઇડ પર Blinkit એપ્લિકેશનનો ઉપયોગ કરી શકે છે.

એપલ એ 12 સપ્ટેમ્બરના રોજ તેમના 'Wonderlust' ઇવેન્ટમાં આઈફોન 15, આઈફોન 15 પ્લસ, આઈફોન 15 પ્રો અને આઈફોન 15 પ્રો મેક્સ લોન્ચ કર્યા હતા. આ ફોન હવે ભારતમાં વેચાણ માટે ઉપલબ્ધ છે, જેની કિંમત આઈફોન 15 માટે રૂ. 79,900 થી શરૂ થાય છે. આઈફોન 15 પ્લસ, આઈફોન 15 પ્રો અને આઈફોન 15 પ્રો મેક્સ અનુક્રમે રૂ. 89,900, રૂ. 1,39,900 અને રૂ. 1,59,900 થી શરૂ થાય છે.

આઈફોન 15 અને આઈફોન 15 પ્લસ 128GB, 256GB અને 512GB સ્ટોરેજ વિકલ્પોમાં આવે છે, જે કાળા, વાદળી, લીલા, ગુલાબી અને પીળા રંગોમાં ઉપલબ્ધ છે. જ્યારે, પ્રો મોડેલ્સ કાળા ટાઇટેનિયમ, વાદળી ટાઇટેનિયમ, કુદરતી ટાઇટેનિયમ અને સફેદ ટાઇટેનિયમ રંગોમાં ઓફર કરવામાં આવે છે.