બધાનું iPhone વાપરવાનું સપનું થશે પુરુ, ટૂંક સમયમાં Apple લોન્ચ કરશે સસ્તા iPhone

iPhone 16 સિરીઝ એપલ ઈન્ટેલિજન્સ સાથે લોન્ચ કર્યા બાદ હવે આ ટેક જાયન્ટ કંપની અન્ય એક ફોન પર કામ કરી રહી છે. આ ફોન નેક્સ્ટ જનરેશનનો iPhone SE 4 છે. આ ફોન આગામી વર્ષે ઘણા અપગ્રેડેડ ફીચર્સ સાથે લોન્ચ થાય તેવી શક્યા છે. જો કે આ સસ્તો આઈફોન લોન્ચ થાય તે પહેલા SE 4 ના સ્પેસિફિકેશન્સ વિશે ઘણી બધી માહિતી સામે આવી ચૂકી છે.

iPhone SE 4ના સંભવિત સ્પેસિફિકેશન્સ

અત્યાર સુધી સામે આવેલા મીડિયા રિપોર્ટ્સ પ્રમાણે આ નવા મોડેલમાં ફ્લેટ સાઈડ્સ અને ટોપ પર નોચની સાથે OLED પેનલ મળશે, જે iPhone 14ની ડિઝાઈન જેવું ઝ છે. આ ઉપરાંત iPhone SE 4માં 6.1 ઈંચની ડિસ્પ્લે મળી શકે છે, જે પણ iPhone 14 જેવી જ છે. આ ડિસ્પ્લેનું રિઝોલ્યુશન 1170 * 2532 પિક્સલ અને તેનું કોડનેમ V59 છે.

A18 ચિપસેટથી સજ્જ

iPhone SE 4 ફેસ આઈડીથી પણ સજ્જ હશે, જે હોમ બટનને ટચ આઈડીમાં કન્વર્ટ કરી દેશે. આ ઉપરાંત આ ફોનમાં ડાયનેમિક આઈલેન્ડ ફીચર પણ મળશે, જો કે આ ફીચર માત્ર ટોપ મોડેલ્સમાં અવેલેબલ હશે. ટેક નિષ્ણાતોમાં ચાલી રહેલી ચર્ચા પ્રમાણે આ અપકમિંગ આઈફોનમાં એપલ ઈન્ટેલિજન્સ ફીચર હોવાની પણ શક્યતા છે. આ ઉપરાંત સારા પર્ફોમન્સ માટે તેમાં 8 જીબી રેમ અને A18 બાયોનિક ચિપ હશે.

કેમેરા સહિતના ફીચર્સ

iPhone SE 4માં iPhone 15 અને iPhone 15 પ્લસની જેમ જ 48 મેગાપિક્સલનો વાઈડ કેમેરા અને 12 મેગાપિક્સલનો ફ્રંટ કેમેરા મળવાની શક્યતા છે. જો કે તેમાં અલ્ટ્રાવાઈડ કે ટેલિફોટો લેન્સ નહીં હોય. આ ઉપરાંત આ ફોનમાં એપલનું પહેલું 5જી મોડેમ હશે, જેનું કોડનેમ સેન્ટોરી છે. આ ફોનમાં વાઈ ફાઈ, બ્લૂટૂથ અને જીપીએસ જેવી વાયરલેસ કનેક્ટિવિટીનો પણ સપોર્ટ મળશે. સેન્ટોરી ખાસ તેના માટે કામ કરશે.

iPhone SE 4ની ભારતમાં સંભવિત કિંમત

આ નેક્સ્ટ જનરેશન અને સસ્તો ગણાતો iPhone SE 4 459 અમેરિકન ડૉલરથી લઈને 499 અમેરિકન ડૉલર્સમાં લોન્ચ થઈ શકે છે. જેને ભારતીય રૂપિયામાં કન્વર્ટ કરીએ તો આ ફોનની કિંમત 38,500થી લઈને 42,000ની વચ્ચે હોવાની શક્યતા છે.