Vivo T3 Proનું પહેલું સેલ લાઈવ, 5500 mAh બેટરીવાળા ફોન પર જબરજસ્ત ઓફર્સ

વીવોના લેટેસ્ટ Vivo T3 Pro કર્વ્ડ સ્માર્ટફોનનું પહેલું સેલ શરૂ થઈ ચૂક્યુ છે. આ સેલ દરમિયાન ગ્રાહકોને આ ફોન ખરીદવા પર બેન્ક ઓફર્સની સાથે સાથે ઘણા બધા લાભ મળવાના છે. જે બાદ ફોન ખૂબ જ ઓછી કિંમતે ખરીદી શકાશે. ઉલ્લેખનીય છે કે વીવોએ પોતાનો આ લેટેસ્ટ Vivo T3 Pro સ્માર્ટફોન તાજેતરમાં જ ભારતીય માર્કેટમાં લોન્ચ કર્યો છે. આ ફોન સ્ટેન્ડટોન ઓરેન્જ અને એમરેલ્ડ ગ્રીન એમ બે કલરમાં અવેલેબલ છે. આ ફોનમાં પાવર બેકઅપ માટે ફાસ્ટ ચાર્જિંગને સપોર્ટ કરતી મોટી બેટરી આપવામાં આવી છે.

પહેલા સેલમાં મળી રહેલી ઓફર્સ

Vivo T3 Pro કર્વ્ડ સ્માર્ટફોન 8 જીબી રેમ અને 128 જીબી સ્ટોરેજ, 8 જીબી રેમ અને 256 જીબી સ્ટોરેજ એમ બે વેરિયંટમાં મળી રહ્યો છે. આ બંને વેરિયંટ માટે ફ્લિપકાર્ટ પર સેલ લાઈવ થઈ ચૂક્યુ છે. જેમાં યુઝર્સ SBI અને HDFC બેન્કના કાર્ડથી પેમેન્ટ કરવા પર 3000 રૂપિયાના ફ્લેટ ડિસ્કાઉન્ટનો લાભ મેળવી શકે છે. આ ઉપરાંત જો તમે જૂનો ફોન એક્સચેન્જ કરાવો છો તો 3000 રૂપિયાનું ફ્લેટ એક્સચેન્જ બોનસ પણ મેળવી શકો છો.

Vivo T3 Proના 8 જીબી રેમ અને 12 જીબી સ્ટોરેજ વેરિયંટની કિંમત 24,999 રૂપિયા છે, જ્યારે 256 જીબી વેરિયંટની કિંમત 26,999 રૂપિયા છે. જો તમે ફ્લિપકાર્ટ એક્સિસ બેન્ક કાર્ડ દ્વારા પેમેન્ટ કરો છો, તો આ ફોન પર સેલમાં તમને 5 ટકાના કેશબેકનો પણ લાભ મળશે. એક્સિસ બેન્ક ક્રેડિટ કાર્ડથી પેમેન્ટ કરવા પર 300 રૂપિયાનું ડિસ્કાઉન્ટ મળશે. આ સાથે જો તમે સરળ હપતે ફોન ખીદવા ઈચ્છો છો, તો મહિને 4,500 રૂપિયાના ઈએમઆઈ પણ અવેલેબલ છે.

Vivo T3 Pro 5Gના સ્પેસિફિકેશન્સ

વીવાના આ લેટેસ્ટ ફોનમાં ક્વાલકોમનું શક્તિશાળી પ્રોસેસર આપવામાં આવ્યું છે. સ્નેપડ્રેગન 7 જેન 3 ચિપસેટ હોવાને કારણે આ ફોનનું પર્ફોમન્સ જબરજસ્ત છે. સાથે જ તેમાં એડ્રેનો 720 ચિપસેટ પણ આપવામાં આવ્યું છે.

આ ફોનની ડિસ્પ્લેની સાઈઝ 6.77 ઈંચ છે, જેમાં AMOLED ડિસ્પ્લે મળે છે, જે 120 હર્ટઝનો રિફ્રેશ રેટ અને 4,500 નીટ્સની પીક બ્રાઈટનેસને સપોર્ટ કરે છે. આ ડિસ્પ્લેનું રિઝોલ્યુશન 1080 x 2392 પિક્સલ છે. જેમાં શૉટ જેન્સનેશન પ્રોટેકશન પણ છે.

કેમેરા ડિપાર્ટમેન્ટની વાત કરીએ તો આ ફોનમાં બેક પેનલ પર 50 MPના મુખ્ય કેમેરાની સાથે સાથે 8 મેગાપિક્સલનું અલ્ટ્રાવાઈડ સેન્સર મળે છે. જ્યારે સેલ્ફી માટે 16 મેગાપિક્સલનું સેન્સર મળે છે.

આ ફોનમાં 5,500 mAhની જબરજસ્ત કેપેસિટી ધરાવતી બેટરી પણ મળે છે. જેમાં 80 Wના ફાસ્ટ ચાર્જિંગનો સપોર્ટ છે. આ ફોન માત્ર 21 મિનિટમાં 50 ટકા ચાર્જ થઈ જાય છે. આ ઉપરાંત તેમાં 7.5 W રિવર્સ વાયર્ડ ચાર્જિંગ સપોર્ટ પણ મળે છે.