આ પાંચ સ્માર્ટફોન છે, વિશ્વમાં સૌથી મોંઘા, એકમાં હીરા જડેલા છે!

પ્રીમિયમ ફોન્સની વાત કરીએ તો સૌથી પહેલા iPhone 15 Pro Max જ યાદ આવે. કારણ કે આ ફોનની કિંમત ઘણી વધારે છે. હજીય જો મગજ પર જોર આપો તો આ યાદીમાં બીજું નામ Samsung Galaxy Z Fold 5નું આવી શકે છે. આ ફોનની કિંમત 2 લાખ રૂપિયા થાય છે. પણ, શું તમે ક્યારેય લક્ઝરી ફોન મામલે કેવિયરનું નામ સાંભળ્યું છે? જો ના, તો જાણવું જરૂરી છે. આ એક એવી પ્રીમિયમ બ્રાન્ડ છે, જે ફોને લક્ઝુરિયસ બનાવવા માટે મેટલ અને રત્નોનો ઉપયોગ કરે છે.

આ આર્ટિકલમાં અમે તમને આ પ્રીમિયમ બ્રાન્ડના પાંચ એવા ફોન વિશે જણાવીશું, જેની ગણતરી ટોપ એક્સપેન્સિવ ફોન્સમાં થાય છે.

Caviar Diamond Snowflake

આ ફોનની કિંમત ભારતીય રૂપિયામાં 4.68 કરોડ તવા જાય છે. રસપ્રદ વાત એ છે કે આ ફોન આમ તો iPhone 15 Pro Max જ છે, પરંતુ કેવિયર કંપનીએ તેમાં ડાયમંડ્ઝ જડવા સહિત કેટલાક ફેરફાર કર્યા છે. જે આ ફોનને લક્ઝુરિયસ બનાવે છે.Caviar Daytona

Caviar Daytona iPhone 15 Pro Max

આ ફોન પણ મૂળ તો આઈફોન જ છે. આઈફોનના iPhone 15 Pro Max મોડેલને કંપનીએ લક્ઝુરિયસ ફોનમાં કન્વર્ટ કર્યો છે, જેની કિંમત 1.57 કરોડ જેટલી છે. આ ફોનમાં કંપનીએ કેટલાક પ્રીમિયમ મટિરીયલ્સ યુઝ કરીને તેને મોડિફાય કર્યો છે, જેથી તેની કિંમત વધી ગઈ છે.

Caviar Time Machine iPhone 15 Pro/Pro Max

કેવિયર કંપની આઈફોન સહિત અન્ય કેટલાક ફોનને પણ મોડિફાય કરે છે. પરંતુ Caviar Time Machine iPhone 15 Pro/Pro Max પણ નામ મુજબ આઈફોનનું જ છે. જેની કિંમત 87 લાખ રૂપિયા જેટલી થાય છે. આ ફોનને મૂળ આઈફોન જ રાખીને કંપની તેની બોડીમાં ઈનોવેટિવ ડિઝાઈન એડ કરે છે. જેથી તે પ્રીમિયમ બની જાય છે.

Caviar Parade Of the Planets 18K - iPhone 15 Pro/Pro Max

જેમ નામમાં લખ્યું છે, તેમ આ પણ આઈફોન 15ના પ્રો અને પ્રો મેક્સ મોડેલને મોડિફાય કરીને બનાવવામાં આવેલો પ્રીમિયમ સેગમેન્ટ ફોન છે. જેની કિંમત ભારતીય રૂપિયામાં 76 લાખ જેટલી થવા જાય છે. આ લક્ઝરી ફોનમાં 18 કેરેટનું સોનું જડવામાં આવ્યું છે.

Caviar Falcon Gold - iPhone 15 Pro/Pro Max

આ ફોન આ લિસ્ટનો સૌથી સસ્તો સ્માર્ટફોન છે. ભલે આ પણ આઈફોનનું મોંઘામાં મોઘુ વેરિયંટ iPhone 15 Pro/Pro Max હોય, પરંતુ તેની કિંમત પણ એટલી છે કે મિડલ ક્લાસના લોકો માટે એક સારો ફ્લેટ આવી જાય. આ ફોનની માર્કેટ પ્રાઈસ ભારતીય રૂપિયામાં 66.6 લાખ થવા જાય છે. આમાં કેવિયર કંપનીએ ગોલ્ડ પ્લેટેડ ફિનિશ અને ખાસ ક્રાફ્ટમેનશિપ આપી છે.