Samsungના આ 5G ફોન પર મળી રહ્યું છે બમ્પર ડિસ્કાઉન્ટ, જાણો કિંમત-ફીચર્સ

ફેસ્ટિવ સેલ અંતર્ગત ઈ કોમર્સ સાઈટ્સ પર જુદા જુદા સ્માર્ટ ફોન ઘણી ઓછી કિંમતે મળી રહ્યા છે. ભારે ડિસ્કાઉન્ટને કારણે આ સ્માર્ટફોનની કિંમત ઘટી છે. જો તમે પણ નવો સ્માર્ટફોન ખરીદવાનું આયોજન કરી રહ્યા છો, તો તમારા માટે ગૂડ ન્યુઝ છે. આજે અમે આ આર્ટિકલમાં સેમસંગ Galaxy F34 5G સ્માર્ટફોન પર મળી રહેલા જબરજસ્ત ડિસ્કાઉન્ટ અંગે જણાવીશું. આ ડિસ્કાઉન્ટ બાદ તમે આ 5જી સ્માર્ટફોનને ખૂબ જ ઓછી કિંમતે ખરીદી શક્શો. તો ચાલો, જાણીએ કે આ ફોન પર કઈ કઈ ઓફર્સ મળી રહી છે, અને આ ફોનની ખાસિયત શું છે.

Galaxy F34 5G પર મળતી ઓફર્સ

Galaxy F34 5G ફોન કંપનીએ ઈલેક્ટ્રિક બ્લેક અને મિસ્ટિક ગ્રીન એમ બે કલર ઓપ્શનમાં લોન્ચ કર્યો છે. આ ફોનના 6 જીબી રેમ અને 128 જીબી સ્ટોરેજ વેરિયંટની કિંમત 18,999 રૂપિયા છે. જ્યારે 8 જીબી રેમ અને 128 જીબી સ્ટોરેજ વેરિયંટની કિંમત 20,999 રૂપિયા છે. પરંતુ હાલ આ ફોન પર ઈન્ટ્રોડક્ટરી ઓફર મળી રહી છે. આ ઓફર અંતર્ગત ગ્રાહકો Galaxy F34 5Gનું 6 જીબી રેમ અને 128 જીબી સ્ટોરેજ વેરિયંટ માત્ર 16,999 રૂપિયામાં ખરીદી શકે છે. જ્યારે આ ફોનનું 8 જીબી રેમ અને 128 જીબી વેરિયંટ માત્ર 18,999 રૂપિયામાં ખરીદી શકે છે.

પરંતુ અહીં ધ્યાન રાખવાની વાત એ છે કે આ ડિસ્કાઉન્ટ માત્ર ગણતરીના બેન્ક કાર્ડ્ઝ પર જ ઉપલબ્ધ છે. એટલે કે જો તમે સિલેક્ટેડ બેન્કના કાર્ડથી આ ફોન ખરીદશો, તો જ તમને આ ડિસ્કાઉન્ટ મળશે. સાથે જ જો ગ્રાહકો ICICI અથા તો HDFC બેન્કના કાર્ડ દ્વારા NON EMI દ્વારા ખરીદી કરશો, તો જ આ ઓફરનો લાભ મળશે. આ ઉપરાંત કંપની 9 મહિનાના નો કોસ્ટ ઈએમઆઈનો પણ ઓપ્શન આપી રહી છે. સૌથી ખાસ વાત એ છે કે આ ફોન પર એક્સચેન્જ ઓફરનો લાભ પણ મળી રહ્યો છે. જે અંતર્ગત ગ્રાહકો વધુમાં વધુ 20,250 રૂપિયાનું એક્સચેન્જ બોનસ મેળવી શકે છે. પરંતુ, આ એક્સચેન્જની રકમ કેટલી હશે, તે તમારા જૂના ફોનની કંડીશન પર આધાર રાખે છે.

Samsung Galaxy F34 5Gના ફીચર્સ

સેમસંગના આ ફોનમાં 6.5 ઈંચની ફૂલ એચડી પ્લસ ડિસ્પ્લે આપવામાં આવી છે. આ ઉપરાંત આ ફોન એક્ઝીનોસ 1280 પ્રોસેસરથી સજ્જ છે. સ્ટોરેજની વાત કરીએ તો તેમાં 8 જીબી રેમ અ 128 જીબી સ્ટોરેજ કેપેસિટી છે. જેને યુઝર્સ માઈક્રોએસડી કાર્ડની મદદથી 1 ટીબી સુધી વધારી પણ શકે છે.

ફોટોગ્રાફી માટે આ ફોનમાં ટ્રિપલ રિયર કેમેરા સેન્સર પણ આપવામાં આવ્યું છે. જેનું પહેલું સેન્સર 50 મેગાપિક્સલનું છે, જે OIS ટેક્નોલોજીથી સજ્જ છે. જ્યારે બીજો કેમેરા 8 મેગાપિક્સલ અને 2 મેગાપિક્સલનો છે. આ ઉપરાંત સેલ્ફી અને વીડિયો કોલિંગ માટે તેમાં 13 મેગાપિક્સલનો ફ્રંટ કેમેરા આપવામાં આવ્યો છે. આ ડિવાઈસને પાવર આપવા માટે તેમાં 6000 mAhની બેટરી મળે છે.