જાતે રિપેર થઈ જતો ફોન HMD Skyline ભારતમાં લોન્ચ, જાણો કિંમત

HMDએ HMD Skyline નામનો પોતાનો નવો સ્માર્ટફોન માર્કેટમાં લોન્ચ કરી દીધો છે. આ ફોનની ખાસ વાત તેની રિપેરેબલ ડિઝાઈન છે. કંપનીનો દાવો છે કે આ ફોન બગડી જવા પર તેને તમે ઘરે જાતે જ રિપેર કરી શખો છો. તેને રિપેર કરવા માટે તમારે એક સ્ક્રૂ ફેરવીને સ્ક્રૂ ડ્રાઈવર અને ગિટાર પિકનો ઉપયોગ કરીને બેક કવર જ ખોલવાનું છે. HMDનો ભારતમાં આ ત્રીજો ફોન છે, જેમાં નેવિગેશન અને એઆઈ પાવર્ડ આસિસ્ટન્ટને ફટાફટ વાપરી શકાય, તે માટે કસ્ટમ બટન પણ આપવામાં આવ્યું છે.

HMDના ફોનની કિંમત

HMDના આ નવા સ્માર્ટફોનનું પહેલું સેલ આજથી એમેઝોન અને HMDની સત્તાવાર વેબસાઈટની સાથે સાથે રિટેઈલ સ્ટોર્સ પર લાઈવ થઈ ચૂક્યુ છે. આ ડિવાઈસ 12 જીબી રેમ અને 256 જીબી સ્ટોરેજ સાથે લોન્ચ કરવામાં આવ્યું છે. જેની કિંમત 35,999 રૂપિયા છે. આ ફોન ટ્વિસ્ટેડ બ્લેક અને નિયોન પિંક એમ બે કલર વેરિયંટમાં અવેલેબલ છે.

HMD Skyline ફોનના સ્પેસિફિકેશન્સ

આ લેટેસ્ટ ફોનમાં 6.5 ઈંચની pOLED ડિસ્પ્લે આપવામાં આવી છે, જે 144 હર્ટ્ઝના રિફ્રેશ રેટ અને HDR10 વીડિયો પ્લેબેક કેપેસિટી ધરાવે છે. આ ફોનમાં સ્નેપડ્રેગન 7s Gen 2 SoC પ્રોસેસર આપવામાં આવ્યું છે.

આ ફોનમાં હાઈબ્રિડ OISની સાથે સાથે 108 મેગાપિક્સલનો રિયર કેમેરા અને 13 મેગાપિક્સલનો અલ્ટ્રા વાઈડ કેમેરા તેમજ 50mm પોટ્રેટ માટે 50 મેગાપિક્સલનો ટેલિફોટો કેમેરા પણ આપવામાં આવ્યો છે. સાથે જ તેમાં ફ્રંટ સાઈડ ઓટોફોકસ અને આઈટ્રેકિંગ સાથે 50 મેગાપિક્સલનો કેમેરા મળે છે.

આ ફોન ઈન બિલ્ટ સેલ્ફી જેસ્ચર હાર્ડવેરથી સજ્જ છે, જે કેમેરાને એક્ટિવ કરવા માટે યુનિવર્સલ પીસની સાઈનથી કામ કરે છે. એટલે કે જેવી તમે કેમેરાની સામે આ સાઈન કરશો, તો ફોન જાતે જ સેલ્ફી લઈ લેશે.

આ ફોનમાં 4,600 mAhની બેટરી આપવામાં આવી છે, જે સતત 48 કલાક સુધી કામ કરી શકે છે. આ ફોન 33 Wના ફાસ્ટ ચાર્જિંગને સપોર્ટ કરે છે, સાથે જ તેમાં Qi વાયરલેસ ચાર્જિંગ પણ છે, જે તમને કોઈ પણ મેગ્નેટાઈઝ્ડ Qi2 ચાર્જરથી ફોન ચાર્જ કરવાની સુવિધા આપે છે.

કસ્ટમ બટન

આ ફોનમાં એક કસ્ટમ બટન આપવામાં આવ્યું છે, જે યુઝર્સને જરૂર પ્રમાણે કસ્ટમાઈઝેશન વિકલ્પ આપે છે. એટલે કે યુઝર આ બટનનો ઉપયોગ કેવી રીતે કરવો, તે જાતે જ નક્કી કરી શકે છે. જ્યારે યુઝર આ બટનને દબાવી રાખશે, તો પહેલું ટાસ્ક કરી શક્શે, ડબલ પ્રેસ કરશે, તો બટન બીજું કામ કરશે. એટલે તમે આ બટનથી કોઈ મેન્યુનો શોર્ટકટ કે ગેમનો શોર્ટકટ જેવી કોઈ પણ એક્ટિવિટી સેટ કરી શકો છો.