Best Camera Phones: ફોટોગ્રાફી માટે બેસ્ટ છે આ સસ્તા સ્માર્ટફોન્સ

જો તમે પણ ફોટોગ્રાફીના શોખીન છો, પરંતુ તમારે ઓછા બજેટમાં સારા કેમેરા ફીચર્સ ધરાવતો ફોન ખરીદવો છે, તો આ આર્ટિકલ તમારા માટે ગાઈડનું કામ કરી શકે છે. આજે આ આર્ટિકલમાં અમે તમને કેટલાક એવા ફોન્સનું લિસ્ટ જણાવીશું, જેની કિંમત માત્ર 10 હજારની આજુબાજુ છે, પરંતુ તેના કેમેરા ફીચર્સ અને ક્વોલિટી એકદમ દમદાર છે. આ લિસ્ટમાં સેમસંગ, પોકો સહિત જાણીતી બ્રાન્ડ્ઝના સ્માર્ટફોન સામેલ છે. તો ચાલો, જાણીએ કે 10 હજારની કિંમતમાં પણ કયા ફોન્સ ફોટોગ્રાફી માટે ઉપયોગી છે.

Samsung Galaxy F13

સેમસંગનો આ ફોન તમે 10 હજારથી પણ ઓછી કિંમતમાં ખરીદી શકો છો. Samsung Galaxy F13 માં તમને શાનદાર કેમેરા ક્વોલિટી ઉપરાંત જબરજસ્ત ફીચર્સ પણ મળશે. આ હેન્ડસેટ Samsung Exynos 8 Octa 850 પ્રોસેસર ચિપસેટથી સજ્જ છે. ફોટોગ્રાફી માટે તેમાં 50 MP + 5 MP + 2 MP એમ ટ્રિપલ રિયર કેમેરા સેટઅપ આપવામાં આવ્યો છે. આ ઉપરાંત તેમાં સેલ્ફી માટે 8 મેગાપિક્સલનો ફ્રંટ કેમેરા પણ મળે છે. આ ફોનમાં 6.6 ઈંચની ડિસ્પ્લે અને FHD+ રિઝોલ્યુશન મળે છે. Samsung Galaxy F13 6000 mAh બેટરીથી સજ્જ છે. આ ફોનમાં 4 જીબી રેમ અને 64 જીબી સ્ટોરેજ પણ અવેલેબલ છે.

Poco C55

ફોટોગ્રાફી માટે Poco C55 પણ સારો ઉપયોગી સાબિત થઈ શકે છે. તમે ફ્લિપકાર્ટ પરથી આ ફોન 10 હજારથી ઓછી કિંમતમાં ખરીદી શકો છો. આ ફોનમાં તમને મીડિયાટેક હેલિયો જી85 ઓક્ટા કોર પ્રોસેસર ચિપસેટ મળે છે. આ ઉપરાં તેમાં 4 જીબી રેમ અને 64 જીબી સ્ટોરેજ મળે છે. આ ફોન Android v12 OS પર કામ કરે છે. કેમેરાની વાત કરીએ તો આ ફોનમાં 50 MP અને 2 MPનો ડ્યુઅલર કેમેરા સેટઅપ મળે છે. આ સાથે જ સેલ્ફી માટે 5 મેગાપિક્સલનો ફ્રંટ કેમેરા પણ મળે છે. આ ફોનમાં 6.71 ઈંચની HD+ ડિસપ્લે છે. સાથે જ કંપની 5000 mAhની મોટી બેટરી પણ આપે છે.

Infinix Hot 30i

Infinix Hot 30i સ્માર્ટફોન પણ ફોટોગ્રાફી માટે ઓછા બજેટમાં એક સારી ચોઈસ છે. આ ફોનમાં કંપની 50 મેગાપિક્સલ AI કેમેરા આપી રહી છે. સેલ્ફી માટે તેમાં 5 મેગાપિક્સલનો ફ્રંટ કેમેરા છે. આ ફોન મીડિયાટેક હેલિયો જી37 પ્રોસેસર પર કામ કરે છે. Infinix Hot 30iમાં 6.6 ઈંચની IPS LCD ડિસ્પ્લે મળે છે, જેનો રિફ્રેશ રેટ 90 હર્ટ્ઝ છે. આ ફોનમાં 8 જીબી રેમ અને 128 જીબી સ્ટોરેજ છે, સાથે જ તેમાં 5000 mAhની મોટી બેટરી પણ છે. આ ફોન એન્ડ્રોઈડ v12 OS પર કામ કરે છે. ફ્લિપકાર્ટ પર આ ફોનની કિંમત 9 હજાર કરતા પણ ઓછી છે.

Xiaomi Redmi 12C

Xiaomi Redmi 12Cની કિંમત પણ 10 હજાર કરતા ઓછી છે, અને ફોટોગ્રાફી માટે આ એક સારો વિકલ્પ છે. આ ફોનમાં તમને 50 મેગાપિક્સલ + 0.08 MPનો ડ્યુઅલ કેમેરા મળે છે. સેલ્ફી માટે આ ફોનમાં 5 મેગાપિક્સલનો ફ્રંટ કેમેરા મળે છે. આ ફોન MediaTek Helio G85 ચિપસેટથી સજ્જ છે. જેમાં 5 જીબી રેમ અને 64 જીબી સ્ટોરેજ મળે છે. આ સ્ટોરેજને તમે 1 ટીબી સુધી વધારી શકો છો. સાથે જ આ ફોનમાં 6.71 ઈંચની IPS LCD ડિસ્પ્લે પણ છે, જે 60 હર્ટ્ઝ રિફ્રેશ રેટ પર કામ કરે છે. આ ફોન પણ 5000 mAhની બેટરી ધરાવે છે.

Nokia G11

Nokia G11માં પણ ફોટોગ્રાફી માટે ઓછી કિંમતે સારા ફીચર્સ છે. આ ફોનમાં 50 મેગાપિક્સલનો ડ્યુઅલ AI રિયર કેમેરા મળે છે. કંપનીએ ફોટોગ્રાફી અને વીડિયોગ્રાફી માટે આ ફોનમાં OZO સ્પાટિઅલ ઓડિયો અને AI ઈમેજિંગ મોડ આપ્યો છે. આ ફોનમાં 6.5 ઈંચની IPS LCD ડિસ્પ્લે મળે છે, જે 90 Hzના રિફ્રેશ રેટ પર કામ કરે છે. Nokia G11 4 જીબી રેમ અને 64 જીબી સ્ટોરેજ પર કામ કરે છે. આ ફોન 5000 mAhની બેટરી ધરાવે છે. જેમાં એડ્રોઈડ 12 ઓપરેટિંગ સિસ્ટમ અને Unisoc T606 પ્રોસેસર મળે છે.