Safety Tips: ચોરી થતા જ લૉક થઈ જશે તમારો ફોન, ઓન કરો આ સેટિંગ

સ્માર્ટફોન પર્સનલ ડિવાઈસ છે, જેમાં ઘણો બધો અંગત અને સેન્સિટિવ ડેટા સ્ટોર થયેલો હોય છે. કહેવાય છે કે એક સ્માર્ટફોન જ છે, જે તેના માલિકને બરાબર ઓળખે છે, કારણ કે દરેક વ્યક્તિ ફોનમાં જે પણ ખાનગી કામ કરે છે, તે બધું જ ફોનમાં જ હોય છે. એટલે ફોન ખોવાઈ જાય, કે પછી ચોરી થઈ જાય ત્યારે ડિવાઈસ ખોવાનો તો ડર હોય છે, સાથે જ તમારો અંગત ડેટા લીક થવાનો કે પછી આ ડેટાનો દુરુપયોગ થવાનો ખતરો પણ સર્જાય છે. ગૂગલે એન્ડ્રોઈડ યુઝર્સને આવી પરિસ્થિતિથી બચાવવા માટે એક નવું ફીચર હજી થોડા દિવસ પહેલા જ રોલાઉટ કર્યું છે, જે ફોન ચોરી થવા પર તેને તાત્કાલિક લૉક કરી દેશે.

ગૂગલે આ નવા ફીચરને Theft Protection નામ આપ્યું છે, જે ડેટાની સુરક્ષાને ધ્યાનમાં રાખીને ડિઝાઈન કરવામાં આવ્યું છે. આ ફીચર બધા જ યુઝર્સ માટે રોલઆઉટ કરી દેવામાં આવ્યું છે. એટલે તમારે પણ સેટિંગ મેન્યુમાં જઈને તાત્કાલિક આ ફીચર અનેબલ કરી દેવુ જોઈએ. આ ફીચરની મદદથી જો તમારો ફોન ચોરી થઈ જાય કે પછી ખોવાઈ જાય તો ડેટા લીક થવાનો કે પછી ફોનના દુરુપયોગનો ખતરો રહેતો નથી. ચાલો તમને એ પણ જણાવી દઈએ કે આ ફીચરનો ઉપયોગ તમે કેવી રીતે કરી શકો છો.

બસ નીચે આપેલા સાવ સરળ સ્ટેપ્સ ફોલો કરો

સ્ટેપ 1: સૌથી પહેલા તમારા એન્ડ્રોઈડ ફોનના સોફ્ટવેર વર્ઝનને અપડેટ કરો અને સેટિંગ્સ મેન્યુમાં જાવ.

સ્ટેપ 2: હવે નીચે સ્ક્રોલ કરશો એટલે ગૂગલ અકાઉન્ટ સાથેનો એક ઓપ્શન દેખાશે, તેના પર ટેપ કરો.

સ્ટેપ 3: હવે તમમને અહીં બે જુદા જુદા સેક્શન્સ Recommended, All Services નામથી દેખાશે.

સ્ટેપ 4: તેમાંથી All Services પર ટેપ કરો અને સ્ક્રોલ ડાઉન કરો. અહીં તમને Theft Protection ફીચર દેખાશે.

સ્ટેપ 5: આ ફીચરની સામે દેખાતા ટોગલ ઓપ્શનને અનેબલ કરો અને કન્ફર્મ કરો.

આ ફીચર અનેબલ કર્યા બાદ જો કોઈ તમારો ફોન ચોરીને ભાગી જશે અથવા તો ચોરી કરવાની કોશિશ કરશે, તો ડિવાઈસ તરત જ લૉક થઈ જશે. તમારી પરવાનગી વગર તમારો ફોન ન તો ઓપન થશે, ન તો કોઈ વ્યક્તિ તમારા ડેટાનો ઉપયોગ કરી શક્શે. આ નવું ફીચર ફોનના સેન્સર્સનો ઉપયોગ કરે છે, એટલે જો ફોનને લઈને અચાનક કોઈ મૂવમેન્ટ થાય, તો ફોન લૉક થઈ જાય છે.