Phoneનું આ સેટિંગ કરો ઓફ, કોઈ નહીં સાંભળી શકે તમારી વાત

શું તમારી સાથે ક્યારેય એવું થયું છે કે તમે ગૂગલનો ઉપયોગ કરતા હો, ત્યારે એ જ વસ્તુઓની એડ્સ તમને દેખાવા લાગે, જેના અંગે તમે કોઈની સાથે થોડા સમય પહેલા જ વાત કરી હતી. દાખલા તરીકે તમે ફોન કોલ પર કોઈની સાથે ઓફિસ ચેર અંગે વાત કરી અને હવે જ્યારે તમે ગૂગલ ઓપન કરો છો, તો તમને ઓફિસ ચેરની જ એડ દેખાય છે.

જો હાં, તો સમજો કે તમારા ફોનમાં થતી બધી જ વાતો તમારા સિવાય કોઈ અન્ય પણ સાંભળી રહ્યું છે. જો તમારી સાથે આવું નથી થયું, તો પણ તમારે આવી ઘટનાથી બચવા માટે આ માહિતી જાણવી જરૂરી છે.

કોઈ સાંભળી રહ્યું છે....

વાત ચોંકાવનારી છે, પરંતુ સંપૂર્ણ સત્ય છે કે તમે સ્માર્ટફોન પર જે પણ વાત કરો છો, તે બધી જ વાતો તમારો સ્માર્ટફોન સાંભળી રહ્યો છે. જ્યારે તમે કોઈ વસ્તુનો કોઈની સાતે વાતચીત દરમિયાન ઉલ્લેખ કરો છો, ત્યારે તમને તરત જ તેની એડ દેખાવા લાગે છે. આ આખા ઘટનાક્રમ પાછળનું કારણ તમારા સ્માર્ટફોનમાં રહેલું એક સેટિંગ છે.

આ સેટિંગને કારણે દેખાય છ એડ્સ

ગૂગલ ક્રોમનો ઉપયોગ કરતા સમયે જો તમે તેને માઈક્રોફોનનું એક્સેસ આપ્યું છે, તો તમને ફોનમાં આવી એડ્સ દેખાતી રહેશે. માઈક્રોફોન એક્સેસ આપવાની સાથે જ ક્રોમ તમારા રસની વાતો જાણીને તેને તમારા સુધી પહોંચાડવા લાગે છે. એટલે જ તમને એવી વસ્તુઓની એડ્સ દેખાય છે, જેના વિશે તમે વાત કરી છે.

ક્રોમનો હેતુ યુઝરનું કામ સરળ બનાવવાનો છે, જેથી યુઝર જે વસ્તુ ઈચ્છે છે, તે ખરીદી શકે. પરંતુ આ તમારી પ્રાઈવસી પર પણ સવાલ હોઈ શકે છે. જો તમે ક્રોમને આપેલું માઈક્રોફોનનું એક્સેસ બંધ કરી દેશો, તો ક્રોમ પર રહેલી વેબસાઈટ્સ તમારો અવાજ ટ્રેક નહીં કરી શકે.

ક્રોમ પર આ રીતે બંધ કરો માઈક્રોફોન એક્સેસ

સ્ટેપ 1: સૌથી પહેલા તમારા ફોનમાં ક્રોમ ઓપન કરો.

સ્ટેપ 2: હવે જમણી બાજુ પરની તરફ દેખાતા કોર્નરમાં રહેલા 3 ડોટ્સ પર ક્લિક કરો.

સ્ટેપ 3: હવે સ્ક્રોલ ડાઉન કરીને Settings પર ક્લિક કરો.

સ્ટેપ 4: હવે Site Settings પર ક્લિક કરો.

સ્ટેપ 5: હવે તમને Microphoneનો વિકલ્પ દેખાશે, તેનું ટોગલ ઓફ કરી દો.

બસ, આટલું કરતા જ તમાર માઈક્રોફોનની નીચે બ્લોક્ડ લખેલું જોવા મળસે. કોઈ ખાસ વેબસાઈટ કે પછી ગૂગલને તમે પરમિશન આપી છે, તો માઈક પર લોંગ પ્રેસ કરીને તમે તેનું એક્સેસ બંધ કરી શકો છો.