રિલાયન્સ જિયો 4જી સિમકાર્ડનો ડોંગલમાં ઉપયોગ કેવી રીતે કરશો..!

આપના ડોંગલમાં સિમકાર્ડ નાખો !

આ પ્રક્રિયાની શરૂઆતનું પગલું છે એરટેલ કે અન્ય કોઈપણ 4જી ને સુસંગત ડોંગલમાં તમારું સિમકાર્ડ નાખવું. તમારા ડોંગલને કોમ્પ્યૂટર અથવા લેપટોપ સાથે જોડો અને કનેક્શન થવાની રાહ જુઓ.

એપીએન સેટ કરો

ડોંગલને એક વખત કનેક્ટ કર્યા પછી નોટિફિકેશન આવવાની રાહ જુઓ. જો એવું ન થાય, તો તમારા ડોંગલના સેટિંગમાં જાવ. જો તમે વિન્ડોઝ-8 કે તેથી ઉપરનું વર્ઝન વાપરતા હો તો તમારે નોટિફિકેશન પેનલ પર જઈને નીચે દર્શાવ્યા મુજબ એપીએન સેટિંગ કરવું પડશે.

એક્સેસ પોઇન્ટ નેમ : જિયોનેટ

એક વખત એક્સેસ પોઇન્ટ નેમ સેટ કર્યા પછી, બાકીના બધાં જ ખાનાં ખાલી છોડી દો અને ‘ઓકે' પર ક્લિક કરો. કેટલાંક ડોંગલ આપમેળે જ એપીએન નક્કી કરી લેતા હોય છે.

એટલું ધ્યાનમાં રાખશો કે કેટલાંક ડોંગલ આપમેળે જ એપીએન પસંદ કરી લેતા હોય છે. તેમ છતાં, અમે આપને પોતાનું બ્રાઉઝર ખોલીને ઇન્ટરનેટનું કનેક્શન ચેક કરવાની ભલામણ કરીએ છીએ. જો કોઈ વેબપેજ ન ખૂલે તો તમારે જાતે એપીએન સેટ કરવું પડશે.

બસ થઈ ગયું..! હવે તમે જિયો 4જી ડોંગલમાં વાપરતા થઈ ગયા

જો બધું બરાબર રહ્યું તો તમારું ઇન્ટરનેટ ચાલુ થઈ જશે અને તમે રિલાયન્સ જિયો 4જીનો ડોંગલની મદદથી તમારા લેપટોપ કે કોમ્પ્યૂટર પર ઉપયોગ કરી શકશો. જો તમને કોઈ સમસ્યા નડે તો એક વખત તમારી સિસ્ટમને રીબુટ કરો અને ફરી પ્રયત્ન કરો.