Airpods ગંદા થઈ ગયા છે, તો આ ક્લિનિંગ ટિપ્સને કરો ફોલો

મ્યુઝિક સાંભળવા, પોડકાસ્ટ સાંભળવા કે પછી ફોન પર વાત કરવા માટે ઈયરફોન એટલે કે ઈયરપોડ્સ આપણા માટે ખૂબ ઉપયોગી ગેજેટ સાબિત થાય છે. આ ગેજેટ્સ આપણને પર્સનલ અને હેન્ડ ફ્રી એક્સપીરિયન્સ આપે છે. સાથે જ તેને કારણે કોઈ બીજું વ્યક્તિ તમારી વાતો સાંભળી શક્તું નથી.

પરંતુ ઘણીવાર લાંબા સમય સુધી ઉપયોગ કરવાને કારણે આ ઈયરપોડ્સ ગંદા થઈ જાય છે. કાનમાં રહેવાને કારણે ચીકણા થયેલા ઈયરપોડ્સ પર કચરો જામી જાય છે, જે કાનને તો નુક્સાન કરે જ છે, સાથે જ અવાજની ક્વોલિટી પણ ખરાબ થઈ જાય છે. તમને કાનમાં ઈન્ફેક્શન થવાની શક્યતા પણ વધી જાય છે. આવી સ્થિતિમાં તમારે ઈયરપોડ્સને ક્લીન કરવા ખૂબ જ જરૂરી છે.

ઈયર પોડ્સ અંગે આ બાબતોનું ખાસ ધ્યાન રાખો.

- જો તમારી પાસે એરપોડ્સ કે પછી એરપોડ્સ પ્રો છે, તો કેટલીક બાબતો ખાસ યાદ રાખો. સૌથી પહેલા તો તેને કોઈની સાથે પણ શૅર ન કરો.

- આ ડિવાઈસને અથવા તેના કોઈ પાર્ટને ક્યારેય પાણીમાં ન નાખો. એરપોડ્સ સાફ કરવા માટે ક્યારેય કોઈ અણીદાર વસ્તુ અથવા તો ઘસી શકાય તેવી વસ્તુનો ઉપયોગ ન કરો.

- ઈન્ટરનેટ પરથી શોધેલા કોઈ પણ લિક્વિડની મદદથી એરપોડ્સને સ્વચ્છ ન કરો. આ ઉપરાંત ચાર્જિંગ પોડમાં પણ ક્યારેય કોઈ વસ્તુ ન નાખો.

એરપોડ્સ સાફ કરતા સમયે નીચેની બાબતોનું ધ્યાન રાખો.

- માર્કેટમાં ઘણા એવા ટૂલ્સ છે, જે તમને એરપોડ્સને ક્લિન કરવામાં મદદ કરી શકે છે. તેનો ઉપયોગ તમે સાવધાનીપૂર્વક કરી શકો છો.

- આ ઉપરાંત તમે કોટન્સ અથવા તો મુલાયમ માઈક્રોફાઈબરનો ઉપયોગ કરીને એરપોડ્સ સ્વચ્છ કરી શકો છો. એરપોડ્સને સ્વચ્છ કરવા માટે તમે આઈસોપ્રોપિલ આલ્કોહોલ અથવા રબિંગ આલ્કોહોલનો પણ ઉપયોગ કરી શકો છો. આ તમને કોઈ પણ દવાની દુકાને મળી જશે.

- કોઈ પણ એરબડ્ઝની બહારની બાજુ અનેક સને સાફ કરવા માટે તમારે કપડામાં થોડુંક આઈસોપ્રોપિલ આલ્કોહોલ અથવા રબિંગ આલ્કોહોલ લેવાનું છે, તેનાથી તમે સારી રીતે સફાઈ કરી શક્શો.

- જો તમારે ડિવાઈસના સેન્સિટિવ ભાગને સાફ કરવા છે, તો તમે ટૂથપિક જેવી અણીદાર વસ્તુ લઈને હળવા હાથે તેને સ્વચ્છ કરી શકો છો.